RUS
SMARTNEWS.KZ басылымының хабарлауынша, Әзірбайжанның Бас прокуратурасы Ақтау маңындағы ұшақ апатын тергеуге қатысып, бір топ қызметкерін Грозныйға жіберді. Бұл туралы Stan.kz жазды.
Құқық қорғау қызметкерлері Ақтау маңында жолаушылар ұшағы апатының себептерін анықтауды жалғастырып жатқанын хабарлады. Бұл шаралар ел президенті Ильхам Әлиевтің тапсырмасына сәйкес жүзеге асырылып жатыр.
"Осы мақсатта Бас прокуратураның бір топ қызметкері Грозный қаласына жіберілді. Ресей Федерациясының Бас прокуратурасымен жасалған келісім аясында ресейлік әріптестермен бірлесіп тергеу және басқа да процессуалдық әрекеттер жүргізіліп жатыр", – делінген хабарламада.
25 желтоқсанда Бас прокурордың орынбасары Эльмар Жамаловтың жетекшілігімен тағы бір прокурорлар тобы Ақтауға жөнелтілді. Оқиға орнында қазақстандық әріптестерімен бірге қажетті шаралар жалғасып жатыр.