RUS
SMARTNEWS.KZ басылымының хабарлауынша, Мақпал Жүнісова марқұм жолдасының әнші үшін бәрін жасайтын адам болғанын айтты. Алайда әнші шетелде танымал болудың орнына өз елінің қалаулысы атануды шешкен. Ол қазақ еліне деген махаббатын жеткізді.
"Қазақ елі үшін қызмет жасаған әншімін. Мына тұрған Мәскеуде де концерт беріп көрмеген адаммын. Мен тек Қазақстанды араладым. Ауылдарды, станцияларды аралап шықтым. Тіпті далада да, комбайнның жанында да ән салдым. Сондықтан еліме деген махаббатым өте биік. Өз жерімде өзімді суда жүзген балықтай сезінемін. Шетелге барып, сол жақта атымды шығаруға болар еді. Менде ондай жағдай болды. Жолдасым бастық болды.
"Мені шетелге шығарып, мына Мәскеуге апарып концертімді жаса" десем орындайтын еді. Бірақ мен ондайға бармадым. Алдымен өз елімнің батасын алайын дедім. Өз елімде қазақтың әнінің шыңына шығайын дедім", - деді өнер иесі "Оян" бағдарламасына берген сұқбатында.