RUS
SMARTNEWS.KZ басылымының хабарлауынша, 2025 жылдан бастап Швейцария билігі қоғамдық орындарда бетті толығымен жасыратын киімдер, оның ішінде паранжа мен никабты киюге тыйым салды.
Швейцарияда көшеде паранджа немесе никабпен жүретіндерге 100-ден 1000 швейцариялық франкке дейін (57мыңнан 577 мыңға дейін) айыппұл салынады.
Швейцария халқы 2021 жылдың наурыз айында өткен референдумда дауыс берді. Ол кезде сауалнамаға қатысушылардың 51,2%-ы тыйымды қолдады. Бұрын бұл шектеу Сент-Галлен және Тичино кантондарында аймақтық деңгейде ғана қолданылған.
"Тыйым никаб пен паранжа сияқты діни киімдерге, сондай-ақ футбол жанкүйерлері киетін балаклавқа қатысты болады. Енді оларды дүкендерде, мейрамханаларда, мемлекеттік мекемелерде және қоғамдық көліктерде киюге тыйым салынады. Ал ғибадат орындарында, карнавалдарда немесе суықтан қорғану үшін киюге болады", – делінген хабарламада.
Швейцария президенті Карин Келлер-Саттердің айтуынша, бұл тыйым Швейцарияда тұратын 400 мың мұсылманның аз ғана бөлігіне ғана әсер етеді. Елде никаб киетін 20-30-ға жуық әйел ғана дейді.
Мұндай тыйым Аустрия, Бельгия, Болгария, Дания және Нидерланды бар. Франция бірінші болып 2011 жылы бетті жасыратын киім киюге тыйым салды.