Бірқатар өңірде ауа райына байланысты ескерту жарияланды

SMARTNEWS.KZ басылымының хабарлауынша, Қазгидромет синоптиктері Қазақстанның бірқатар өңірінде ауа райына байланысты ескерту жариялады.

Астанада 2 қаңтар күні қар жауып, бұрқасын, тұман, көктайғақ болады. Оңтүстік-батыстан жел соғады, екпіні 15-20 м/с, түнде және таңертең кей уақыттарда 25 м/с.

2 қаңтарда түнде Ұлытау облысында бұрқасын соғады. Облыстың батысында, солтүстігінде, оңтүстігінде тұман түседі. Оңтүстік-батыстан жел соғады, түнде облыстың солтүстігінде, шығысында, орталығында екпіні 15-20, кей уақыттарда 23 м/с.

Маңғыстау облысының солтүстік-шығысында көктайғақ болып, тұман түседі. Оңтүстік-батыстан жел соғады, күндіз облыстың батысында, шығысында екпіні 15-20 м/с.

Қызылорда облысының орталығында, солтүстігінде, шығысында көктайғақ болып, тұман түседі. Жел оңтүстік-батыстан соғады, түнде және таңертең облыстың солтүстігінде күші 15-20 м/с. 2 қаңтарда түнде облыстың орталығында, оңтүстігінде, шығысында, күндіз облыстың батысында, солтүстігінде, шығысында бұрқасын соғып, көктайғақ болады. Түнде және таңертең облыстың батысында, солтүстігінде тұман түседі. Оңтүстік-батыстан, оңтүстіктен жел соғады, түнде облыстың оңтүстігінде, шығысында, күндіз облыстың батысында, солтүстігінде, орталығында 15-20, екпіні 23 м/с.

Атырау облысының солтүстігінде, шығысында көктайғақ болады. Түнде және таңертең облыстың оңтүстігінде, шығысында тұман түседі. Батыстан, оңтүстік-батыстан жел соғады, облыстың батысында, солтүстігінде, оңтүстігінде екпіні 15-20 м/с.

Семей қаласында 2 қаңтарда күндіз жауын-шашын (жаңбыр, қар), бұрқасын, көктайғақ болады. Жел оңтүстік-батыстан соғады, екпіні 15-20 м/с.

Өскеменде 2 қаңтарда жауын-шашын (жаңбыр, қар), бұрқасын, көктайғақ болады. Жел оңтүстік-батыстан соғады, екпіні 15-20 м/с.

2 қаңтарда Батыс Қазақстан облысының солтүстігінде, шығысында тұман түсіп, көктайғақ болады. Жел оңтүстік-батыстан соғады, екпіні 15-20 м/с.

Көкшетауда 2 қаңтарда бұрқасын соғып, тұман түседі, жолдарда көктайғақ болады. Оңтүстік-батыстан жел соғады, күші 15-20, түнде екпіні 23 м/с күтіледі.