RUS
SMARTNEWS.KZ басылымының хабарлауынша, Париж Олимпиадасының чемпионы Елдос Сметов өзіне айтылған сын мен талқылау сәттерінде қандай іске барғанын атады. Бұл туралы 1Bol жазды.
Ол тоқтаусыз сынау-мінеулерге қарамастан сабырлық танытып, тек татамидегі күресімен жауап беруге тырысқанын атады.
Әлеуметтік желіде Париж Олимпиадасындағы жартылай финалдағы жеңісті сәтінің бейнежазбасын жариялаған балуан жағдайға қатысты ой білдірді. Ол испаниялық Франциско Гарригоспен белдесудегі жеңісті сәттегі эмоциясын өзін сынаушыларға берілген жауап дейді.
«Бұл сезімді сөзбен айтып жеткізе алмаймын. Неше түрлі пікірлерге үндеместен, эмоциямен жауап берген сәтім болды», - деп жазды спортшы әлеуметтік деліде.
Қазақстандық дзюдошы Елдос Сметов 60 келіде үш Олимпиададан жүлде алған спортшы. Ол бұған дейін күміс және қола медаль еншілесе, Франция астанасындағы ойындарда бес белдесу өткізіп, барлығында жеңіске жетті.