RUS
SMARTNEWS.KZ басылымының хабарлауынша, Жаңа жыл қарсаңында әкесі бақилық болған белгілі әнші Ернар Айдар жазба жариялап, оқырмандарының аяушылығын тудырды.
Ассалаумағалайкум баршаңызға! Өткен жыл 2024.12.26. бейсенбі күні асқар тауым әкешім өмірден өтіп, ертесіне 2024.12.27. қасиетті жұма күні жер қойнына тапсырылды. Бүгін міне 2025.01.03. қасиетті жұма бір апта зу ете өте шықты әлі сене алар емеспін. Ақиқатында, біз Алланікіміз һәм асылында, біз Оған қайтамыз. Бірақ қимастық сезім өзекті өртейді екен. Әкеме Алладан рахым, Пайғамбарымыз Мұхаммедтен (Алланың Оған сәлемі мен салауаты болсын) шапағат тілеймін, жатқан жеріңіз жайлы болып, жаратқан алла жұмақтың төрінен орын берсін, - деп жазды әнші.
Әнші 1 қаңтарда анасының туған күнімен құттықтағанда, әкесінің болмағаны үшін жаны құлазығанын айтты.
Әр жылы әулетімізбен 1-қаңтар Анашымды туған күнімен құттықтап, қара шаңыраққа жиналып Асқар тау Әкеміздің ақ батасын алып арқа-жарқа болушы едік. Анашым, Алладан тілерім деніңіз сау, өмір жасыңыз ұзақ болсын. Біздің бақытымызға сіз аман болыңыз. Баршаңызға амандық тілеймін. Қасиетті жұма мүбәрәк болсын, - деп жазды әнші әлеуметік желіде.