RUS
SMARTNEWS.KZ басылымының хабарлауынша, әнші әрі актриса Ақбота-Нұр Сейітмағамбет жұртты ойға қалдырды.
Көпшілік оның желіде жариялаған суреті мен өлеңіне түрлі пікірлер қалдырып, болжам жасады. Ол Instagram-дағы жеке парақшасында жазба жариялап, ақын Ақжол Түменбайдың өлеңін бөліскен.
«Уақытты жеңуге болады,
Арылып өкініш, әттеңнен.
Бақытты болуға болады,
Өзіңе ұнайтын сәттермен.Алматы жалғыздар қаласы,
Таулардан тағдырдың күйі ақты.
Көзіңнің ағы мен қарасы,
Күйсандық пернесі сияқты.Жүрегім тыныштық табатын,
Сен жайлы әлемде жоқ нота.
Махаббат күйдірген қанатын,
Аққудың баласы Ақбота.Жақсы көр, жан беріп-жан алыс,
Мына әлем өте лас, өте шу.
Мен үшін күздегі романс,
Сенімен бір шыны кофе ішу,Өмірде өзіме адалмын,
Мен сені айтпай ақ түсінем,
Көздері күлетін адамның,
Жүрегі жылайды ішінен.Сен бірақ жылама, мұңайма,
Сәбидей сүйкімді күл мейлі.
Жалғыздық ұнай ма Құдайға,
Оны ешкім білмейді…Адамды сүюге ар керек,
Арызың болмасын өмірге еш.
Жаныңды түсінер жар керек,
Жалғыздық - әр түрлі көңілдес…» - деп жазды Ақбота-Нұр.
Бұған қатысты жұрт түрлі пікір жазды. Олар өнер иесіне қолдау білдіріп, демеу көрсетті.
«Ақжолдың сөздері жүректің пернелерін адаспай басады ғой...», «Әлі бақытты күндер, сәттер күтіп тұр алда», «Жүрегіммен түсінгендей болдым», «Жаңбырдың өзі сені көріп, көз жасын ағызып тұрған сияқты», «Қыз тағдыры өте ауыр...», – деді көпшілік.