RUS
SMARTNEWS.KZ басылымының хабарлауынша, танымал актриса Дариға Бадықова өнердегі әріптесі Олжас Абаймен Біріккен Араб Әмірліктеріне демалысқа аттанды. Өнер иелерінің саяхаты қалай өтіп жатқанын желідегі парақшаларына жарыса жүктеді.
Дариға Бадықова мен Олжас Абай «Таптым-ау сені 2» фильмінің тұсаукесерінен кейін Дубайда демалып қайтуды шешкен. Өнер иелері Instagram желісінде асқан белсенділік танытып, оқырмандарына демалысы қалай өтіп жатқанын көрсетті.
Актерлар Дубай қаласының әсем жерлерін аралап, ерекше саяхат өткізуде. Олар сафариге қатысып, достарымен үлкен яхта жалдаған. Олжас Абай тіпті кемені өзі жүргізіп көрген.
Оған қоса актер арманын орындап, биіктіктен парашютпен секірген. Өнер иесі бұл батыл қадамынан кейін әсерін бөлісіп, Дариға Бадықоваға алғысын айтқан.
"Аман есен жерге қонсам чемпионмын деген ем, қондым. Секіргенде 5 секундта өмірім көз алдымнан өтті, 7 секунд секіргенімді түсіндім. Қонғанымда көп нәрсе түсінікті болды. Рахмет саған құдайым және Дариғам", - деп жазды Олжас Абай.