Қақаған қыста елордада қараусыз жүрген баланың анасы іздестіріліп жатыр
Астанада баласын жалғыз қалдырып кеткен ананы іздеп жатыр.
SMARTNEWS.KZ басылымының хабарлауынша, желіде көшеде жалғыз жүрген 3-4 жасар баланың табылғаны жайлы ақпарат тарады. Аталған жағдай бойынша Көліктегі полиция департаментінің баспасөз қызметі түсінік берді.
«Астана станциясындағы желілік полиция басқармасы кәмелетке толмаған баланың басын қауіп-қатерге тігу фактісі бойынша сотқа дейінгі тергеп-тексеруді бастады. Қазір табылған бала профилактикалық мақсатта медициналық мекемеге орналастырылды», - делінген хабарламада.
Қазір полиция баланың анасын іздеп жатыр. Сондай-ақ, Көліктегі полиция департаментінен Қылмыстық-процестік кодекстің 201-бабына сәйкес өзге ақпарат жариялауға жатпайтыны ескертілді.
Материал авторы
