RUS
SMARTNEWS.KZ басылымының хабарлауынша, ақтаулық ата-аналар орыс тілінде оқытатын бастауыш сыныптардың ашылмағанына шағымданды. Қалалық білім бөлімі №31 мектепте орыс тілінде оқытатын бастауыш сыныптар ашылады деп уәде берген. Алайда бүгінге дейін мұндай сыныптар ашылмаған көрінеді. Бұл туралы Lada.kz басылымы жеткізді.
Жаңа мектеп салынып жатқан кезде оның қазақ және орыс тілдерінде оқытылатыны туралы айтылған. Тиісті ақпаратты білім бөлімі мен оқу орнының өзі Instagram желісінде жариялаған.
Ақтаудағы 17, 19 және 33 ықшамаудандардағы жаңа мектептерге оқуға түсу үшін құжаттарды қабылдаудың 6 қаңтар күні басталған.
Өткен аптаның соңында ата-аналар білім бөлімі орыс тілінде оқытатын сыныптарды ашамыз деп уәде бергенін айтады. Орыс бөлімі болады деп ойлаған 200 бастауыш сынып оқушысының ата-анасы мектепке құжат тапсырмақ болған. Алайда мектеп құжаттарды қабылдамаған.
Ал мектепте қабылдауға қатысты барлық сұрақтар қалалық білім басқармасында қаралып жатқаны туралы хабарлама ілінген.
"Бұл біздің балаларымыздың құқықтарының бұзылуы. Олардың қазақша оқитындардан қандай айырмашылығы бар? Олардың да осы шағын ауданда тұруға толық құқығы бар. Орыс тілінде оқытатын 1-7 сыныптар арасында ең болмағанда бір сыныптан ұйымдастырсын”, – дейді ата-аналар.
Қалалық білім басқармасында арнайы комиссия құрылып, орыс тілінде оқытатын сыныптарды ашпау туралы шешім шығарған.
Біріншіден, кадр тапшылығы. Екіншіден, мектепте орын жеткіліксіз. Оның сыйымдылығы 900 орындық қана дейді шенеуніктер. Сондай-ақ, балаларды мемлекеттік тілде оқуға қабылдауға 1500 өтініш түскен. Осыған байланысты шенеуніктер ешқандай көмек көрсете алмайтындарын жеткізді.
Қалада бүгінде білім бөлімінің мәліметінше, 33 мемлекеттік мектеп болса, оның 13-і орыс тілінде оқытылады.
Білім бөлімі балама ретінде 17-ші шағын аудан тұрғындарына 13-ші шағын аудандағы №17 мектепте және 27-ші шағын аудандағы №16 мектепте білім алуды ұсынды. Ата-аналар №17 мектепте оқушылар көп екенін айтады. 900 орындық мектепте үш ауысымда 2 мың бала білім алуда екенін айтты олар.
Алайда ата-аналар құқықтарын сотта қорғауға дайын. Олар енді білім басқармасының басшылығына жүгінбек.