RUS
SMARTNEWS.KZ басылымының хабарлауынша, қазір Калифорния штатында 73 стипендиат білім алып жатыр. Оның ішінде "Болашақ" бағдарламасының 56, ал ғылыми тағылымдама бағдарламасының 17 стипендиаты бар. Барлығы аман-есен, кураторлармен байланыста.
"Стипендиаттар жергілікті билік органдарының ұсыныстарын орындап, жағдай туралы бізге жедел түрде хабарлап отырады. Біз университеттермен тұрақты байланыстамыз және кез келген өзгеріске жылдам әрекет етуге дайынбыз", – делінген "Халықаралық бағдарламалар орталығының” хабарламасында.
Орталық барлық стипендиатты абай болуға, қауіпсіздік шараларын қатаң сақтауға шақырды. Сондай-ақ төтенше жағдайларда Сан-Францискодағы Қазақстан консулдығына хабарласуға кеңес берді.