RUS
SMARTNEWS.KZ басылымының хабарлауынша, Ресейдің Улан-Уде қаласында 17 жастағы мектеп оқушысы электронды темекі, яғни вейп шегіп қайтыс болды.
Жарияланған ақпаратқа сәйкес, мектеп оқушысы пәтердің жуынатын бөлмесінен ұзақ уақыт шықпаған. Оның жағдайына алаңдаған туыстары есікті бұзып, еденде ес-түссіз қызды көрген. Оның жанында телефон мен вейп болған.
Оқиға орнына келген полиция қызметкерлері жасөспірімнің бөлмесінен темекі шегуге арналған тағы екі электронды құрылғы мен таяқшалары бар Iqos темекілерін тапқан. Қыз қайтыс болғанға дейін тұтынған өнімдердің бәрі зерттеу үшін тәркіленген. Оқушының қайтыс болу себебі сот-медициналық сараптама жүргізілгеннен кейін анықталады.
Тергеу комитеті абайсызда өлім туралы бап бойынша қылмыстық іс қозғады.