RUS
SMARTNEWS.KZ басылымының хабарлауынша, "Келінжан" телехикаясы арқылы қалың көпшілікке танылған Рүстем Жаныаманов басынан өткен қызықты жағдай туралы айтты. Өнер иесі қаржыдан қиналғанда Інжілді дыбыстағанын жеткізді.
Актер қаражатан қысылған кезде өзіне ерекше ұсыныс түскенін айтты. Әлдекімдер өнер иесіне Інжілді дыбыстауды өтініш білдірген.
"Кино, телехикаядан күнде ұсыныс түсе бермейді. Арасында дубляжбен айналысамын. Бір күні жұмыссыз қалдым. Сол уақытта қаражат керек еді. Бірде бір адам хабарласып, шақырды. Дубляжбен айналысатынымды айттым. Сөйтіп бір мәтін оқытып, дауысымды сынап көрді. Дауысымды ұнатты, бірге жұмыс істеуді ұсынды. Мәтіннің көлемін, жұмыстың қанша уақытқа созылатынын айтқан жоқ. Ертесі келсем бір десте қағаз дайындап қойыпты. Біреуін алып бастап оқыдым. Сөйтсем Інжілді қазақшаға аударып жатыр екен. Бірде тоқтап қалып "не істейін, жазайын ба, жоқ па" деп ойланып қалдым", - дейді өнер адамы.
Рүстем Жаныаманов Інжілді дыбыстағаны үшін 3-4 млн теңгедей қаржы тапқанын айтты.
"Бірақ ақша керек. Іштей "жақсы нәрсе ғой" деп тағы ойлап қоямын. Сөйтіп жартысына дейін оқыдым. Алайда ары қарай оқи алмайтынымды, мұсылман екенімді айттым. Ондағылар осыған дейін оқығанымның ақшасын береді екен. Әлгі жерде қатты қиналдым. Десе де соңына дейін оқып бердім. Бір айға жуық бірге жұмыс істедік. Өте жақсы төледі. 3-4 миллиондай бар. Сол кезде ол жақсы ақша еді. Мен үнемі ақша деген нұсқаны таңдаймын", - деді актер Жанар Байсемізге берген сұқбатында.