RUS
SMARTNEWS.KZ басылымының хабарлауынша, Астана полициясы полиция қызметкерлерінің жүргізушіге дөрекі сөйлегені естілетін видео жарияланғаннан кейін тексеріс бастады.
Telegram-дағы Zhest_kz арнасында астаналық полицейлердің жүргізушіні VIP кортеж жолынан "қуып жатқаны" түсірілген видео жарияланды.
"Астанада жүргізуші қозғалыс жабылған көшеге шығып кетті, ол жерден VIP кортеж өтеді деп күтілген. Виедода абдырап қалған көлік иесін патрульдік көліктердің қалай қоршауға алғанын көруге болады, ал дауыс ұлғайтқыштан: "Кері бұрыл, ақымақ!" деген бұйрық естіледі", - деп жазылған видео сипаттамасында.
NUR.KZ сайты түсініктеме алу үшін Астана полиция департаментінің баспасөз қызметіне хабарласты.
"Жолда жүру ережелеріне сәйкес, көк түсті жарқылдақ маягі іске қосылған және арнаулы дыбыстық сигналы бар көлік құралдары жақындаған кезде жүргізушілер жол беруге міндетті. Бұл арнайы көліктер мен ілеспе автомобильдердің кедергісіз өтуін қамтамасыз ету үшін қажет.
Дегенмен полицейлердің жол жүру ережесін бұзған жүргізушіге дөрекі сөйлеу фактісі бойынша қызметтік тексеру жүргізіледі", - делінген баспасөз қызметінің жауабында.
Қазақстан Республикасының Жол жүру қағидаларының 6-тарауына сәйкес, көк және қызыл түсті жарқылдақ маягі іске қосылған және арнаулы дыбыстық сигналы бар көлік құралдары жақындаған кезде жүргізушілер осы және олардың ілесіп жүруіндегі басқа көлік құралдарының кедергісіз өтіп кетуін қамтамасыз ету үшін жолды босатады .
Ережеде қозғалысқа басқа қатысушылардың алдында басымдық алуы үшін мұндай көлік құралдарының жүргізушілері көк және (немесе) қызыл түсті жарқылдауық маяк пен арнаулы дыбыстық сигналды іске қосуға тиіс екені айтылған. Олар өздеріне жол берілгендігіне көз жеткізгеннен кейін ғана басымдықты пайдалана алады.
"Көк және (немесе) қызыл түсті жарқылдақ маягі іске қосулы тоқтап тұрған көлік құралдарына жақындаған кезде жүргізуші қажет болған жағдайда дереу тоқтатуға мүмкіндік болуы үшін жылдамдықты азайтады", - делінген Жол қозғалысы ережелерінде.