RUS
SMARTNEWS.KZ басылымының хабарлауынша, Прокуратура мен құзырлы органдар блогер Қолғанат Жұмабаевтың әрекетіне қатысты тексеріс жүргізеді. Ер адамның 10-11 жастағы қыздарға жазған хаттарын Құлпынай Қалменова жария еткен еді. Бұл туралы Stan.kz жазды.
Бала құқықтары жөніндегі уәкіл Динара Закиева аталған дерекке қатысты пікір білдіріп, блогермен байланысқанын мәлімдеді.
"Аталған жағдай бойынша мен және заңгер кеше блогермен байланысқа шықтық. Қалалық прокуратурамен бірге процестік шешім қабылдау мәселесі бойынша жұмыс істеп жатырмыз. Уәкілетті органдармен бірлесе отырып, балалардың құқықтарын қорғау үшін барлық қажетті шараларды қабылдаймыз", – деп жазды Динара Закиева.
Сонымен қатар Динара Закиева ата-аналарды қырағы болуы шақырып, баланың кіммен араласатынын бақылауға, оған қауіп-қатерлер мен соның ішінде әлеуметтік желідегі қауіптер жайлы айтып отыруға шақырды.
"Сондай-ақ 2023 жылдың қыркүйегінде мектептерде енгізілген қауіпсіздік сабақтары аясында қаралатын тақырыптарды талқылау маңызды. Балалар қауіпсіздігіне қатысты кез келген күмәнді жағдайларды 102 немесе 111 нөмірлеріне хабарлау қажет", – деп қосты уәкіл.