RUS
SMARTNEWS.KZ басылымының хабарлауынша, Global Firepower рейтингі 2025 жылға арналған жаңартылған елдердің әскери қуаттылығының рейтингін ұсынды. Мұнда Қазақстан Орталық Азияда ең мықты әскері бар ел санатына кірді. Бұл туралы Stan.kz жазды.
Рейтингте Қазақстан 57-орынға көтеріліп, өз позициясын нығайтты. Былтыр армиялардың әлемдік рейтингінде еліміз 58-ші орынға ие болған.
Орталық Азиядағы көршілерден биыл ең жақын орналасқан Өзбекстан 58 орынға тұрақтады. Орталық Азияның басқа елдерінен: Түркіменстан 77-ші, Қырғызстан 105-ші, Тәжікстан 108-ші орында.
Егер жеке көрсеткіштерді алсақ, онда еліміз реактивті жүйелер саны бойынша 17-орын (407 бірлік) және өздігінен жүретін артиллерия саны бойынша 21-орында.
Рейтингте бірінші орында АҚШ қалды. Екінші орында Ресей, үшінші орында Қытай тұр. Үздік бестікке Үндістан мен Оңтүстік Корея кірді. Ал тізімдегі соңғы орында Бутан болды.
Global FirePower рейтингі бірнеше жылдан бері жарияланып келеді. Оның авторлары 145 елдің әскерлерін 50-ден астам параметрлер бойынша қарастырады: армия мен басқа да әскерилендірілген күштердің санынан бастап, оларды қаржыландырудан, мемлекеттердің географиясына дейін зерттейді. Әрине, бірінші кезекте әскери құрамдас бөлікке, әртүрлі қару-жарақпен жабдықтауға, белсенді әскерлер мен резервшілердің санына және т. б. назар аударылады.Өткен жылы Қазақстанның армиясы рейтингте бірден бес тармаққа көтерілді.