Қаржаубай Нұрымовтың отбасына меценат үй салып беретін болды

SMARTNEWS.KZ басылымының хабарлауынша, Талғарда кісі қолынан қайтыс болған Шерзат Болаттың отбасына меценаттың берген қаржысына үй салынатын болды. Бұл туралы құқық қорғаушы Айтбек Амангелді айтты. 

Қаржаубайдың отбасы үшін үй меценаттың қаражатына сатып алынады, ал Перизаттың жинаған ақшасы бұл мақсатқа жұмсалмайды. Біздің бұл жинаққа қатысымыз жоқ болғандықтан, оның реквизиттерін білмейміз. Қазіргі уақытта пікірлерде әртүрлі реквизиттер пайда болуда, алаяқтық әрекеттерге жем болып қалмаңыздар. Реквизиттерді нақтылау үшін ақпаратты тікелей Перизатқа хабарласып алуға болады. Бұл жинақтың мақсаты бізге белгісіз.

Перизат ешқандай қылмыстық іс бойынша жәбірленуші болып табылмайды және ол біздің сенім білдірушіміз немесе қамқорлығымыздағы тұлға емес. Оның өз адвокаттары және қоғамдық қайраткерлері бар. Осы жинақты бізбен және Қаржаумен байланыстырмауларыңызды сұраймыз, - дейді Айтбек Амангелді.

Айта кетейік, Шерзат Болаттың әкесінің үйі қазан айында өртеніп кетті. Өрт сөндіру қызметінің жедел әрекетіне қарамастан үй толығымен жанып кеткен. Кейіннен үйдің сыртынан канистр мен резеңке қолғап табылған еді. Әлі күнге дейін үйді өртеген күдіктілер ұсталған жоқ.