RUS
SMARTNEWS.KZ басылымының хабарлауынша, «Қазақстан темір жолы» ұлттық компаниясы агенттіктің ресми сауалына спутниктік байланыс технологияларын тестілеу «Астана — Алматы» бағытындағы № ¾ пойызда жүргізіліп жатқанын хабарлады. Жоба OneWeb спутниктік жүйесі арқылы желіге қосылуға бейімделген вагондардың қолданыстағы мультимедиялық жабдықты пайдаланады. Бұл туралы Kazinform жазды.
— OneWeb — мобильді спутниктік байланысқа негізделген жоғары жылдамдықты интернет жүйесі. Қазақстандағы технологияның ресми дистрибьюторы Jusan Mobile АҚ телеком-операторы, - деп түсіндірді ҚТЖ.
Тестілеу барысында бүкіл маршрут бойынша интернеттің тұрақтылығы мен орташа жылдамдығы тексеріледі. Сонымен қатар жолсеріктердің мобильді терминалдарының, қолма-қол ақшасыз төлемдерге арналған POS-терминалдардың, пойыз бастықтарының кеудеге ілетін видеотіркегіштер мен бейнебақылау жүйелерінің жұмысы бағаланады.
Пойыздарда интернетті қосудың нақты уақыты тест нәтижелеріне байланысты болмақ.
— Пилоттық жоба аясында интернет желісіне қосылудың техникалық мүмкіндігі ғана тексеріледі. Интернетті қосудың мерзімі мен экономикалық құрамдас бөліктер бойынша шешім пилоттық жобаның нәтижелері бойынша қабылданады, - дейді компаниядан.
Одан бөлек, Қазақстан темір жолы компаниясы отандық және шетелдік басқа жеткізушілердің ұсыныстарын қарастырады. Қорытынды шешім қызметтің сапасын, тиімділігін және құнын ескере отырып қабылданады.
Егер жоба сәтті болса, интернет барлық пойызда қосылуы мүмкін.