«Әжетханада қаза болған»: өзінен кіші оқушыны ұрып өлтірген жасөспірімдерге үкім шықты

SMARTNEWS.KZ басылымының хабарлауынша, Жамбыл облысында Байзақ ауданы Құмжота ауылында мектеп оқушысы Мирас Мәліктің өліміне қатысты сот үкімі шықты. Бұл туралы Stan.kz жазды. 

Биыл көктемде 9-сынып оқушылары 8-сынып оқушыларын даладағы әжетханаға шақырып, ақша бопсалап, ұрып-соққан. Салдарынан 8 оқитын Мирастың жүрек ортасы жарылып кеткен.

Іс Жамбыл облысының кәмелетке толмағандардың істері жөніндегі мамандандырылған ауданаралық сотында жабық отырыста қаралды.

Үш оқушы сотқа тартылды. Олар денсаулыққа қасақана ауыр зиян келтіру және қылмыс жасауға итермелеу фактілері бойынша сотталды. Екі жасөспірімге 6 жыл 8 ай жазасы берілсе, ал біреуі бір жылға шартты сотталды.

Марқұм баланың жақындары үкімді жеңіл деп санап, аппеляцияға бермек.