RUS
SMARTNEWS.KZ басылымының хабарлауынша, Ақтөбеде танысы бірнеше сағат кепілде ұстаған келіншек ауруханада күзетпен жатыр.
Ақтөбеде анасының үйінде кепілге алынған 40 жастағы әйелдің жағдайы орташа. Дәрігерлер оған тұруға, телефон қолдануға рұқсат етпеген. Мамандар оған психологиялық көмек беріліп жатқанын айтты. Дегенмен ата-анасының қайтыс болғаны туралы айтылмаған.
Жалпы диагнозы бас-ми шайқалуы, жабық бас-ми жарақаты. Травматологтар жарақатын таңып береді. Бірге ем жүргізіп жатырмыз. Бүгінгі таңда жағдайы орташа. Есін жиды. Сұрақтарға нақты жауап береді. Тексеруден өтіп, емін алып жатыр. Бүгін не болғанын бәрін сұрап жатыр. Әке-шешесін де сұрайды.
Көп ақпарат айта алмаймыз. Тек денсаулығына байланысты ақпарат айтамыз. Төсектен тұруға болмайды. Тұруға, жүруге рұқсат еткен жоқпыз. Оның қолында әзірге телефон жоқ. Психологтар да кеше де, бүгін де кездесті. Қазір күзет жұмыс істеп тұр, – деді нейрохирургия бөлімінің меңгерушісі Мақсат Уразжанов.
Айта кетейік, бұған дейін Ақтөбеде ер адам жеке үйлердің біріне басып кіріп, бойжеткенді кепілге алғаны туралы жазғанбыз.