RUS
SMARTNEWS.KZ басылымының хабарлауынша, Америкалық кинорежиссер Дэвид Линч 78 жасында қайтыс болды. Бұл туралы оның туыстары әлеуметтік желіде хабарлаған. Өткен жылы Линч ауырып жүргенін айтқан.
Америкалық кинорежиссер Дэвид Линч 78 жасында қайтыс болды. Линчтің өлімі туралы ақпарат оның Facebook парақшасында жарияланған.
"Талантты жан Дэвид Линчтің қайтыс болғанын қайғыра хабарлаймыз. Қазір ол арамызда жоқ. Сол себепті ортамыз үңірейіп қалғандай күйдеміз", - делінген постта.
The Variety басылымының мәліметінше, 2024 жылы Линч өмір бойы темекі шеккеннің салдарынан эмфизема ауруына шалдыққанын, әрі бұдан былай үйден шыға алмайтыны, режиссерлікпен айналыса алмайтыны туралы хабарланған еді.
Айта кетейік, Дэвид Линч - америкалық кинорежиссер, сценарист, актер. 2019 жылғы Америка киноакадемиясының құрметті сыйлығының, сондай-ақ Канн кинофестивалінің "Алтын пальма бұтағы" және Венеция кинофестивалінің "Алтын арыстанының" иегері. Үздік режиссура үшін үш рет "Оскар" номинациясына ұсынылған.
Дэвид Линч өз мансабын анимациядан бастаған ықпалды режиссер. Ол Twin Peaks культтік телехикаясының жасаушысы ретінде әлемге танылған. Сондай-ақ көрермендер мен сыншылар оны "Піл адам", "Көк барқыт" және "Малхолланд Драйв" сияқты фильмдері арқылы жақсы таниды.