RUS
SMARTNEWS.KZ басылымының хабарлауынша, Президент Алматыдағы автобус жүргізушісін "Шапағат" медалімен марапаттады. Бұл туралы Stan.kz жазды.
Мемлекет басшысы Қасым-Жомарт Тоқаев қоғамдық белсенділігі мен азаматтық жауапкершілігін көрсеткен алматылық автобус жүргізушісі Қанат Ахметовті марапаттады.
Мемлекеттік сыйлықты Алматы қаласы әкімінің орынбасары Асқар Әмрин табыстады.
Айта кетейік, бұған дейін желіде автобус жүргізушісінің мүгедектер арбасындағы жолаушыны автобусқа отырғызуға көмектескен сәті түсірілген видео тараған еді.
Қанат Ахметов "жұмысшы мамандықтары жылы" деп жариялаған 2025 жылы мемлекеттік наградамен марапатталған жұмысшы мамандықтарының бірінші өкілі атанды.
Қанат Ахметов президентке көңіл бөліп, қолдау көрсеткені үшін жылы лебізін білдірді.
Қанат Ахметов төрт баланың әкесі, "Алматыэлектротранс" мекемесінде бір жылға жуық автобус жүргізушісі болып жұмыс істейді екен.