RUS
SMARTNEWS.KZ басылымының хабарлауынша, Қазақстанда 60-тан астам әкім орынбасарына айыппұл салынған. Бұл туралы Үкімет отырысында Экология министрі Ерлан Нысанбаев айтты.
Ерлан Нысанбаев «ҚазақстанҒарышСапары» спутниктік суреттері заңсыз қоқыстарды анықтауға көмектесетінін хабарлады. Экология бөлімшелері шығып, әрбір жағдайды есепке алады, одан кейін оны жою туралы әкімдіктерге ұйғарым шығарылады, егер шара қолданылмаса, лауазымды тұлғалар әкімшілік жауапкершілікке тартылады.
«2024 жылы жалпы сомасы 9,4 млн теңгеге 164 лауазымды тұлға, оның ішінде аудан және қала әкімдерінің орынбасарлары деңгейіндегі 61 лауазымды тұлға жауапкершілікке тартылды», - деді министр.
Соңғы жылдары анықталған полигондардың саны айтарлықтай азайып, жойылу пайызы артты. Мәселен, 2018 жылы 8,7 мың полигон анықталса (57 пайызы жойылды), 2024 жылы шамамен 4,8 мың полигон анықталып, оның 91 пайызы жойылды.