«Сүйектері сынған, маңдайы көгерген»: өгей әкесі ұрған екі жастағы қыздың жағдайы белгілі болды

SMARTNEWS.KZ басылымының хабарлауынша, Павлодарда екі жасар қызды өгей әкесі аяусыз соққыға жыққан. Баланың екі жақ сүйегі де сынған.

КТК телеарнасының мәліметінше, баланы ауруханаға анасы апарған. Әйел рентгеннен кейін қызының төсектен құлап қалғанын айтқан. Қыз екі қолын қозғалта алмай, арқасына қол тигізгенде жылап жіберген. Сәбидің маңдайында көгерген іздер де бар. Алайда анасы тағы да саспаған - баласы басқа балалармен ойнап жүріп жарақаттап алды деген көрінеді.

Әйел көп ұзамай ауруханаға оралған. Ол бәрін ойдан шығарғанын айтқан. Ал көгерген жерлер мен сынықтар - оның серіктесінің ісі. Бұл істі қазір полиция тексеріп жатыр.

Ер адам ұсталып, қамауға алынды.