Қазақ скрипкашысы Ерасыл Рим папасының алдында өнер көрсетіп, батасын алды

SMARTNEWS.KZ басылымының хабарлауынша, скрипкашы Ерасыл Хамит Ватиканда концерт беріп, Рим Папасының ықыласына бөленді. 

Өнер иесі әлемге әйгілі басшыдан естелік сыйлық та алды. 

Отандасымыз Мәскеу консерваториясының профессоры Сергей Кравченконың шақыруымен әлемдік сахналарда өнер көрсетіп жүр.  Ерасыл П.И.Чайковский атындағы Мәскеу консерваториясының жанындағы Орталық музыкалық училищеде оқуын жалғастырып, Мәскеу консерваториясында тұрақты концерттер беріп келеді. Сондай-ақ Спиваков қорының стипендиаты болды.

Оқуын аяқтағаннан кейін, Зальцбургтегі профессор Пьер Амойалдың сыныбына оқуға түседі. Қазір скрипкашы оқуын Венада профессор Анна Кандинскаяның сыныбында жалғастырып жатыр.

Айта кетейік, скрипкашы Ерасыл Хамит Алматыда дүниеге келген. Санкт-Петербургте оқып жатыр. Халықаралық байқауларда жоғары жүлделі орындарға ие болып келеді. Сонымен қатар әйгілі симфониялық оркестрлермен бірге өнер көрсетіп жүр.