RUS
SMARTNEWS.KZ басылымының хабарлауынша, Қазақстан Республикасы Қылмыстық кодексінің 632-бабының 4-бөлігі (Ауыр зардаптарға әкеп соққан қызметтік өкілеттіктерді теріс пайдалану) бойынша сотқа дейінгі тергеп-тексеру 2024 жылғы 22 желтоқсанда басталғаны мәлім болды.
"Тергеу барысында қала әкімінің орынбасары Арайбек Хамзаев мұғалімдерді кәсіптік қызметіне байланысты емес жұмысқа заңсыз тартумен айналысқаны анықталды. 2024 жылдың 27 желтоқсанында оған күдікті мәртебесі берілді. Қазіргі уақытта Қуат Айтқалиев ауруханадан шығарылып, үйінде жалпы тәжірибелік дәрігердің бақылауында (2025 жылдың 9 қаңтарынан бастап оның жағдайы тұрақты, Денсаулық сақтау министрлігі бақылауда", - деп хабарлады Бас прокуратура депутаттық сауалына берген жауабында.
Шыршаны безендіруге басқа мұғалімдердің де (барлығы бесеуі) заңсыз қатысқаны хабарланды. Нәтижесінде No19 және No40 мектеп директорлары қалалық білім бөлімінің бұйрығына сәйкес (23 желтоқсан 2024 ж.) сөгіс алды.
Қалалық білім бөлімінің басшысы (Б. Бұлабаев) облыстық білім басқармасының бұйрығына сәйкес (23.12.2024 ж.) қызметінен босатылды.
№49 мектеп директоры (Г.Тоқтаубаева) еңбек демалысында, оның міндеттерін директордың орынбасары Н.Құрманов атқаруда (17.12.2024 ж.).
Еске салайық, өткен жылдың желтоқсан айының соңында Семейде қала орталығындағы алаңда жаңа жылдық шыршаны безендіру кезінде мұғалім зардап шеккен болатын. Ер адам түрлі жарақат алып, шұғыл ота жасалған. Сол кезде бұл оқиға үшін бірқатар шенеуніктер жазаланды. Арнайы тергеу де басталды.