RUS
SMARTNEWS.KZ басылымының хабарлауынша, әкімшілік сотқа Орал қаласының тұрғыны арызданған. Ол қала әкімінің шешіміне шағымдануды өтінді. Бұл туралы Батыс Қазақстан облыстық сотының баспасөз қызметі жеткізді
Іс материалдарынан белгілі болғандай, ер адам су тасқыны кезінде зардап шегіп, үйін тұруға жарамсыз деп тану және баспанамен қамтамасыз ету туралы өтінішпен қала және облыс әкімдіктеріне жүгінген. Алайда оған бас тартылды.
Сот талқылауы барысында судья тараптарға келісімге келуді ұсынды және олар татуласу келісімін жасады. Яғни, талапкер талап арызынан бас тартады, ал Орал қаласы әкімінің атынан жауапкер оған 2,2 миллион теңге шығынды 1 наурызға дейін өтеуге міндеттенеді. Айта кету керек, мүлікті бағалауды мамандар жүргізген.