RUS
SMARTNEWS.KZ басылымының хабарлауынша, 15 қаңтарда Мәжіліс отырысында Сыбайлас жемқорлыққа қарсы іс-қимыл агенттігі төрағасының орынбасары Ұлан Сарқұлов мемлекеттік қызметшілер арнайы қорға 5 АЕК-тен (2025 жылы 19 660 теңге) астам сыйлық тапсыруға міндетті екенін еске салды.
Tengrinews.kz редакциясының ресми сауалына Мемлекеттік қызмет істері агенттігі жауап қайтарып, 2024 жылы Мемлекеттік мүлік және жекешелендіру комитетінің аумақтық бөлімшелерінің есебіне 2,3 миллион теңгенің 240 заты өткенін хабарлады.
«Мемлекеттік мүлік туралы» заңға сәйкес, мемлекеттік қызметкер немесе оның отбасы құны 5 АЕК-тен асатын сыйлықтар алса, олар мемлекет меншігіне өтуі тиіс. Хаттамалық іс-шаралар барысында табыс етілген сыйлықтар, жеке жетістіктері үшін берілетін наградаларды қоспағанда, мемлекетке өткізіледі.
«Мемлекеттік мүлік комитеті және оның аумақтық органдары жекелеген негіздер бойынша республикалық меншікке, оның ішінде сыйға айналдырылған (алынған) мүлікті есепке алу, сақтау, бағалау және одан әрі пайдалану жөніндегі уәкілетті орган болып белгіленді», - делінген ведомство хабарламасында.
Жауаптан белгілі болғандай, сыйлықтардың арасында түрлі кәдесыйлар, мүсіншелер, картиналар, кеңсе тауарлары, сағаттар, сыйлық сертификаттары, кітаптар, телефон, киім-кешек, ыдыс-аяқ, гүлдер, сондай-ақ азық-түлік өнімдері (шоколад, кәмпит, алкоголь, шырын, кофе және басқалар).
Ең қымбат сыйлық 575 800 теңге тұратын iPhone 14 Pro болды.
Ведомствоның мәліметінше, ең көп сыйлықты – 108 бірлік – Астана қаласы бойынша ҚГІП аумақтық бөлімшесі алған. Сондай-ақ ең көп сыйлық Экология және табиғи ресурстар министрлігінің қызметкерлерінен түскен.