Жастар ойынға масыл

Бұл зиян әуеске қарсы бола алатын мамандардың Қазақстанда жеткіліксіз екендігі жайлы психолог Александр Рущук (@psychology_aleksandr) сөз сөйледі.

«Қазақстанда, өкінішке қарай, жасөспірімдердің ойынға тәуелділігін толыққанды оңалту жүйесі жоқ. Заң бойынша жеке оңалту орталықтары кәмелетке толмағандарды қабылдай алмайды, және бұл мәселе қарастырылғанымен, тиісті заң қабылданған жоқ. Мемлекеттік мекемелерде көмек көрсетуге құлықсыз қарайды, ал олардың саны жеке орталықтарға қарағанда айтарлықтай аз (шамамен он жеке орталыққа бір мемлекеттік мекеме келеді)», – дейді Александр Рущук.

Сонымен қатар, Александр Рущук Қазақстанда аддиктология бағыты бойынша мамандар жеткіліксіз екендігі жайлы атап өтті. 

«Жасөспірімде тәуелділік, әсіресе құмар ойындарға деген тәуелділік қалыптасқанда, ол оңалту орталығынан көмек ала алмайды және психологтарға жүгінуге мәжбүр. Алайда, кез келген психолог тәуелділікпен жұмыс істей бермейді – бұл салада арнайы дайындалған мамандар, яғни аддиктологтар айналысады. Өкінішке орай, Қазақстанда аддиктология бойынша университеттік бағдарламалар жоқ, ал мен Украинада оқыған кезімде ондай мамандық бар еді», – дейді Александр Рущук.

Айта кетейік, бұған дейін Астана қаласында ойынға әбден құмартқан азаматқа тәтесі түн уақытында ескерту жасап, отбасына тынығуға кедергі келтірмеу үшін ұйықтауын талап еткен. Алайда ашуға булыққан жігіт отбасы мүшелері ұйықтап қалған кезде оларға пышақпен шабуыл жасаған. Нәтижесінде, күдіктінің немере ағасы оқиға орнында қаза тауып, екі тәтесі мен немере қарындасы ауыр халде ауруханаға жеткізілді.

Автор: Марат Батырхан