RUS
SMARTNEWS.KZ басылымының хабарлауынша, Интерпол публицист әрі продюсер Дана Орманбаеваны іздестіріп жатыр. Бұл туралы журналистерге Бас прокурордың орынбасары Ғалымжан Қойгелдиев мәлім етті.
"Орманбаеваның орналасқан жерін анықтау ісімен Интерпол айналысып жатыр. Оның қазір қайда екенін айта алмаймын. Әлеуметтік желілерде БАӘ-ден барлығына түсініктеме беріп жатыр деп жазып жатыр. Бірақ бізде нақты ақпарат жоқ", - деді Қойгелдиев бүгін Мәжілісте.
Еске салайық, қазақстандық публицист және продюсер Дана Орманбаева әлеуметтік желілерде ұлтаралық араздық тудырды деген айыппен халықаралық іздеуге жарияланған болатын.