RUS
SMARTNEWS.KZ басылымының хабарлауынша, 1 ақпаннан бастап Қазақстанда автогаздың шекті бағасы көтерілмек. Қазір аймаққа байланысты құны 54 теңгеден 94 теңгеге дейін өзгеріп тұрса, көп ұзамай шекті баға литріне 65-107 теңгеге дейін көтеріледі.
Энергетика министрі Алмасадам Сәтқалиев сұйытылған мұнай газының шекті бөлшек сауда бағасын бекіту туралы бұйрыққа қол қойды.
Қосалқы құн салығын (ҚҚС/НДС) қоса алғанда, автокөлік газына келесі бағалар бекітілді:
Астана – литрі 102 теңге (бұрын 82 теңге);
Алматы – 102 теңге (бұрын 89 теңге);
Шымкент – 90 теңге (бұрын 70 теңге);
Ақтөбе, Атырау облыстарында – 77 теңге (бұрын 59 теңге), шалғай елді мекендерде – 82 теңге;
Ақмола облысы (бұрын 84 теңге), шалғай елді мекендерде – 107 теңге;
Алматы облысына – 102 теңге (бұрын 89 теңге), шалғай елді мекендерге – 107 теңге;
Жамбыл облысына – 90 теңге (бұрын 78 теңге), шалғай елді мекендерге – 95 теңге;
Батыс Қазақстан облысына – 77 теңге (бұрын 70 теңге), шалғай елді мекендерге – 82 теңге;
Қызылорда облысы – 90 теңге (бұрын 70 теңге), шалғай елді мекендерде – 95 теңге;
Маңғыстау облысына – 65 теңге (бұрын 59 теңге), шалғай елді мекендерге – 70 теңге;
Павлодар облысына – 102 теңге (бұрын 81 теңге), шалғай елді мекендерге – 107 теңге;
Солтүстік Қазақстан облысына – 102 теңге (бұрын 89 теңге), шалғай елді мекендерге – 107 теңге;
Түркістан облысы – 90 теңге (бұрын 70 теңге), шалғай елді мекендерде – 95 теңге;
Шығыс Қазақстан, Қостанай, Қарағанды, Жетісу, Ұлытау және Абай облыстарында – 102 теңге (бұрын 84 теңге), шалғай аудандарда – 107 теңге.
Бұйрық 1 ақпаннан бастап күшіне енеді.
Еске салайық, Қазақстан үкіметі 30 қаңтардан бастап жанар-жағармай бағасын босатып, бір мезгілде елден жанар-жағармай экспортына тыйым салған болатын. Энергетика министрі Алмасадам Сәтқалиевтің айтуынша, баға бірте-бірте көтеріледі, бірінші өсім 5 теңгеден аспайды. Ол сондай-ақ нарық қатысушылары осы көрсеткішті басшылыққа алатынын баса айтты. Содан кейін баға тым күрт көтерілген жағдайда шұғыл әрекет болады.