RUS
SMARTNEWS.KZ басылымының хабарлауынша, танымал әнші Алтынай Жорабаева қалай салмақ тастағанын оқырмандарына айтып берді. Бұл туралы Stan.kz жазды.
Өнер иесі декретте отырып, артық салмақ жинағанын мойындады.
“Алтынай қыздарыңыз 96 келіден 75 келіге түсті. Аллаға шүкір! Мақсатым – 60 келі болу. Алла денсаулық берсін!”, – деп жазды әнші.
Желі қолданушылары түрлі пікір білдіріп, эстрада жұлдызын танымай қалды.
“Не деген күш-жігер?!”, “Өте жинақы болып қалыпты”, “Керемет әнші тек тез салмақ қосып алады”, “Сахна артық салмақты көтермейді”, “Қалай жүдеп кеткен”, – деп жазды көпшілік.
Сондай-ақ әнші сахнадан не себепті көрінбей кеткенін түсіндіріп, іздеген оқырмандарына алғыс айтты.
“Алтынай-ау әнді қойдың ба? Неге сахнаға шықпайсың?” деген сұрақтарға жауабым: Әнді, сахнаны қойған жоқпын. Алла қаласа, алда талай жоспарлар бар. Алтынайдың екінші демі ашылды”, – деді эстрада жұлдызы.