RUS
SMARTNEWS.KZ басылымының хабарлауынша, Бас көлік прокуратурасында 2024 жылғы жұмыс қорытындысы бойынша алқа отырысы өтті. Отырыста 2019 жылғы 27 желтоқсанда Алматы маңында Bek Air ұшағының апатқа ұшырауын тергеу неліктен 5 жылдан астам уақытқа созылғаны айтылған. Бұл туралы Бас көлік прокуратурасы жеткізді.
Ведомствоның ресми сайтында Бас көлік прокуратурасының 2024 жылғы жұмысының қорытындысы жарияланған.
Өткен жылдары көлікте болған оқиғаларды талдау нәтижелері бойынша республиканың барлық көлік инфрақұрылымының үш негізгі проблемасы айқындалған.
Бірінші проблема – инфрақұрылымның жалпы тозуы, технологиялық дамудың жеткіліксіз деңгейі.
Көлік министрлігінің мәліметтері бойынша теміржол магистральдары 57 пайызға тозған, ескірген ҚТЖ локомотив паркі 61 пайызды құрайды. Прокуратура актілері бойынша әртүрлі қауіпсіздікті бұзғаны үшін ұзындығы 300 шақырымға жуық 29 магистральдық жол жабылған. Сертификаттау мерзімдерін бұзғаны үшін 396 жүк вагонның мемлекеттік тіркеуінің күші жойылып, пайдалануға тыйым салынған.
Қорытындыда көлік инфрақұрылымының екінші проблемасы ретінде білікті мамандардың тапшылығы айтылған.
"Мысалы, көлік министрлігінің авиациялық оқиғаларды тергеу басқармасы қызметкерлерінің кәсіби деңгейінің әлсіздігіне байланысты 2019 жылы "БекЭйр" әуекомпаниясы ұшағының апатқа ұшырауын тергеу 5 жылдан астам уақытқа созылды. Тергеу басқармасындағы 6 тергеушінің біреуі ғана жеткілікті тәжірибеге ие болды. Білікті кадрлардың тапшылығын Қазақстанның авиациялық әкімшілігі де бастан өткерген.
Прокуратураның бірқатар ұсынуынан кейін Көлік министрлігі 2024 жылы өз қызметкерлері үшін біліктілікті арттыру және тағылымдама курстарын шетелде де ұйымдастырды, тергеушілер штатын құруға кадрлық тәсіл қайта қаралды. Бұл белгілі бір дәрежеде Ақтау қаласы маңындағы Әзербайжан әуекомпаниясының соңғы апатын тергеудің сапасы мен деңгейіне оң әсерін тигізді", - делінген хабарламада.
Қорытындыда тағы бір жүйелік проблема ретінде бұл – салалық қауіпсіздіктің заманауи талаптарына сәйкес келетін құқықтық базаның жеткіліксіздігі немесе болмауы көрсетілген.
"Көлік секторының маңызды процестері ұзақ уақыт бойы заң талап еткендей тиісті реттеусіз қала береді. Көлік субъектілері жергілікті актілерді және өз ережелерін басшылыққа алады.
Шын мәнінде, "БекЭйр" компаниясының ұшағы ұшу алдындағы дайындыққа байланысты емес техникалық регламенттермен реттелетін жағдайдың тұтқыны болды. Бұл ретте Көлік министрлігінің осы салада нормативтік-құқықтық актілерді қабылдауға заңнамалық мүмкіндігі болған жоқ", - делінген хабарламада.
Осыдан кейін прокурорлардың бастамасы бойынша бейіндік заңға өзгерістер енгізілген, оны іске асыру үшін әуе кемесін мұз қатуға қарсы қорғау жөніндегі қағидалар бекітілген.
"БекЭйр" әуе кемесінің апатқа ұшырағаны туралы сотқа дейінгі іс жүргізу аяқталды, іс материалдарымен қылмыстық процеске қатысушылар танысуда", - делінген хабарламада.