Cирия Президенті гуманитарлық көмек көрсеткені үшін Тоқаевқа алғыс айтты
Қасым-Жомарт Тоқаевқа Cирия президенті Башар Әл-Асад Қазақстаннан жіберілген гуманитарлық көмек үшін алғыс айтты, деп хабарлайды smartnews.kz сайты.
Мемлекет басшысының атына Сирия Президентінен жеделхат келіп түсті. Онда Башар Әл-Асад 2023 жылы ақпан айында болған жойқын жер сілкінісінен зардап шеккен Сирия халқына Қазақстанның көрсеткен гуманитарлық көмегі үшін алғыс айтты, деп жазды Ақорданың Telegram-дағы ресми арнасы.
"Қиын-қыстау шақта бізге қолдау білдіріп, адамгершілік және ізгілік танытқан Қазақстанның ұстанымын Сирия халқы жоғары бағалайды", – деп жазылған жеделхатта.