Ақтауда ереуіл аяқталды: «Қаскор-Машзауыт» кәсіпорнының қызметкерлері жұмысқа оралды

SMARTNEWS.KZ басылымының хабарлауынша, «Қаскор-Машзауыт» ЖШС машина жасау кәсіпорнының жұмысшылары басшылықпен екі жаққа тиімді келісімге келіп, осыған байланысты жақында басталған ереуіл тоқтатылды. Бұл туралы компанияның бас директоры Жандос Ғазиз хабарлады.

Жандос Ғазиз жұмыс беруші мен қызметкерлердің еңбек жағдайлары бойынша ортақ келісімге келгеніне сендірді.

Ереуілшілер қазір жұмыс орындарына оралды.

Еске салайық, өткен бейсенбіде, 6 ақпанда «Қаскор-Машзауыт» кәсіпорнының қызметкерлері кәсіпорынның Жаңаөзенге көшірілуіне байланысты жұмыстан босатылуы мүмкін екенін хабарлаған болатын.