RUS
SMARTNEWS.KZ басылымының хабарлауынша, лифтіде балаға шабуыл жасаған жасөспірім қазір қайда екенін Бала құқықтары жөніндегі уәкіл Динара Закиева мәлімдеді. Бұл туралы Tengrinews.kz жазды.
«Кеше облыс әкімімен бірге баланың ауруханасына барып, оның әкесімен сөйлестім. Баланың жағдайы тұрақты, барлық қажетті көмек көрсетілуде. Сондай-ақ, Астана қаласы бойынша облыстық комиссар А.Т. Бимендина да қыздың анасымен байланыста. Жасөспірім ұл бала денсаулық сақтау мекемесіне, яғни психиатриялық стационарға жатқызылды. Оның анасы жауапкершілікке тартылды», - деді Бала құқықтары жөніндегі уәкіл.
Оның айтуынша, тергеу амалдары жүргізіліп жатыр.
«Жасөспірім бала қазір арнайы бөлімшеде бақылауда», – деп толықтырды Закиева.
Сондай-ақ, ол сот шешімімен психикалық ауытқуы бар және қылмыстық құқық бұзушылық жасаған адамдарды мәжбүрлеп емдеуге арналған мекемеде қазіргі уақытта 745 адамның бар екенін, олардың ішінде 2025 жылы түскен кәмелетке толмаған бір жасөспірімнің бар екенін хабарлады.