RUS
SMARTNEWS.KZ басылымының хабарлауынша, Жамбыл облысында хакерлердің шабуылы салдарынан балалар ауруханасының есепшоттарынан 350 миллион теңге ұрлады деген күдікпен 33 жастағы ер адам ұсталды.
Полицияның мәліметінше, киберқылмыс 2024 жылдың мамыр айында жасалған. Белгісіз біреулер жүйені бұзып, Жамбыл облыстық балалар ауруханасының есеп шотынан қомақты қаржы алып кеткен. Тәртіп сақшылары қылмыстық іс қозғап, тергеуді бастады.
Жедел іздестіру шаралары барысында бұрын сотты болған 33 жастағы ер адам ұсталды. Олар одан аурухана есепшотына қайтарылған 305 миллион теңгені тәркілеп үлгерген.
Іс материалдары Жамбыл облысы бойынша экономикалық тергеу департаментіне жіберілді. Тергеу мүддесі үшін қосымша ақпарат жарияланбайды.