RUS
SMARTNEWS.KZ басылымының хабарлауынша, «Қазгидромет» РМК 21 ақпанда Қазақстанның 14 облысында ауа райына байланысты ескерту жариялады.
Астанада кей жерлерде тұман түседі.
Түнде және таңертең Абай облысының шығысында және оңтүстігінде тұман күтіледі. Шығыстан, оңтүстік-шығыстан соғатын желдің екпіні - 15-18 м/с.
Ақтөбе облысында қалың қар жауады. Облыстың солтүстігінде, батысында және орталығында бұрқасын күтіледі. Солтүстік-шығыстан соғатын жел екпіні солтүстікте, облыс орталығында 15-20 м/с дейін жетеді.
Ақмола облысының батысында, солтүстігінде және оңтүстігінде тұман түседі.
Атырау облысында қар жауады, облыстың оңтүстік-шығысында кей жерлерде қалың қар жауады. Облыстың солтүстігінде, оңтүстігінде және шығысында қарлы боран болады. Солтүстік және солтүстік-шығыстан жел соғады, екпіні - 15-20 м/с.
Шығыс Қазақстан облысының солтүстігінде, шығысында және оңтүстігінде тұман күтіледі.
Түнде және таңертең Жетісу облысының таулы аймақтарында тұман түседі. Алакөл ауданында шығыстан жел соғады, екпіні - 15-20, күндіз 23-28 м/с дейін жетеді.
Батыс Қазақстан облысының солтүстігінде, оңтүстігінде және шығысында қар жауып, бұрқасын болады. Облыстың батысы мен солтүстігінде тұман түседі. Күндіз солтүстік-шығыстан жел соғады, екпіні - 15-20 м/с.
Қарағанды облысының солтүстігінде, шығысында және оңтүстігінде өткінші тұман күтіледі.
Қостанай облысының батысында, оңтүстігінде және шығысында қар жауып, бұрқасын болады. Облыстың солтүстігі мен шығысында тұман түседі.
Қызылорда облысының орталығында тұман күтіледі.
Маңғыстау облысында жауын-шашын (көбіне қар), көктайғақ күтіледі. Батыста және облыс орталығында кей жерлерде қалың қар жауып, бұрқасын болады. Облыстың солтүстігі мен шығысында тұман күтіледі. Солтүстік-шығыстан соғатын жел солтүстік-батысқа ауысады, облыс орталығындағы желдің екпіні - 15-20 м/с.
Павлодар облысының солтүстігі мен шығысында түнде және таңертең тұман түсуі ықтимал.
Солтүстік Қазақстан облысының оңтүстігінде тұман түседі.
Ұлытау облысының солтүстігінде, шығысында және орталығында кей жерлерде тұман күтіледі.
https://kaz.inform.kz/news/kazakstannin-14-oblisinda-zhane-astanada-aua-rayina-baylanisti-eskertu-zhariyalandi-dcf183/