RUS
SMARTNEWS.KZ басылымының хабарлауынша, «Қазақстан темір жолы» Ұлттық компаниясы» АҚ еншілес кәсіпорны монополияға қарсы заңнаманы бұзғаны үшін айыппұл салынды. Бұл туралы Бәсекелестікті қорғау және дамыту агенттігі жеткізді.
Айыппұл «KTZ Express» АҚ-на 2021 жылы әскери тасымалдағы көліктік-экспедиторлық қызметтерге монополиялық жоғары баға белгілеу фактілерін анықтаған ӘЗҚК Астана департаменті Бас көлік прокуратурасымен бірлесіп жүргізген тексеру нәтижесінде салынды.
Сондай-ақ компанияның экспедиторлық комиссияларының мөлшері рұқсат етілген нормалардан асып, Қазақстан бойынша тасымалдау құнының 30 пайызына жеткені анықталды.
«Әкімшілік құқық бұзушылық істері жөніндегі мамандандырылған ауданаралық сотында істі қарау нәтижесінде кәсіпорынға 10 114 304,84 теңге көлеміндегі монополиялық кірісі тәркіленіп, 853 379,7 теңге айыппұл салынды (сот қаулысы заңды күшіне енді), - делінген хабарламада.