Дәретханадан шала туған нәрестенің мәйіті табылды
Сәбидің анасы 25 жастағы жергілікті тұрғын боп шықты.
SMARTNEWS.KZ басылымының хабарлауынша, Бішкекте шала туылған нәрестенің денесі дәретханадан табылды.
20 ақпанда сағат 9:57-де Бішкек полициясына Киевская көшесіндегі ғимараттардың біріндегі дәретханадан шала туылған нәрестенің денесі табылғаны туралы хабар түсті. Алдын ала мәліметтер бойынша, нәресте бес-алты айлық болған.
Жедел іздестіру шаралары барысында құқық қорғау органдары нәрестенің денесін тастап кеткен әйелдің жеке басын анықтады. Белгілі болғандай, ол – 25 жастағы жергілікті тұрғын. Қазіргі уақытта аталған әйел тергеу изоляторына қамалды.
Полицияның мәліметінше, оқиғаға қатысты тергеуге дейінгі тексеру жүргізілуде. Сараптамалар тағайындалып, нәтижелеріне байланысты процестік шешім қабылданатын болады.
Материал авторы
