RUS
SMARTNEWS.KZ басылымының хабарлауынша, Павлодарда полицейлер жұмысқа бара жатып жеке көлігімен жоғалып кеткен 52 жастағы кәсіпкерге іздеу жариялады.
Полицияның хабарлауынша, оның жоғалғаны туралы туыстары арыз түсірген.
"Жоғалған 1972 жылы туған Нұрмағамбетов Асұлан Хамитұлы. 21 ақпан күні сағат 14:40 шамасында ол ақ түсті Toyota Camry-50 (мемлекеттік № 039 ОФА, 14-аудан) көлігімен үйінен жұмысқа шығып, осы күнге дейін оралмаған", - деп хабарлады полиция департаментінен.
Павлодар тұрғыны жергілікті фирмалардың бірін басқаратыны белгілі болды.
Ер адамның бойы 170-175 сантиметр, орта денелі, көзілдірік киген, қасында ұялы телефон болған. Үстінде қара көк түсті күрте, сұр бас киім, қара джинсы шалбар және қоңыр жартылай спорттық аяқ киім болған.
Фото Павлодар қалалық ІІБ
«Азаматтың қайда екені туралы қандай да бір ақпарат білсе, 102, 8 (7182) 37 76 10, 37 76 11 телефондарына хабарласуын сұраймыз. Аты-жөнін жасыруға кепілдік беріледі», - деп атап өтті полиция.