RUS
SMARTNEWS.KZ басылымының хабарлауынша, Алматы әуежайында қызметкерді кепілге алған ер адамның кім екені анықталды. Желідегі ақпаратқа сенсек, күдікті бұған дейін автобус жолаушысын ұрғаны үшін істі болған. Бұл туралы Stan.kz жазды.
Журналист Михаил Козачков Telegram-арнасында күдіктіге қатысты кей деректерді жариялады. Сөзінше, ер адам 67 жаста.
“Алматыда әйелді кепілде ұстаған ер адамның есімі Машрапбек Баратов, 67 жаста. Былтыр күзде автобуста әйелді ұрған да осы адам. Ол кезде полиция оның әрекетін бұзақылық ретінде қарап, сот алдында жауап берген. 2024 жылдың желтоқсанында 1 жылға бас бостандығын шектеу жазасы тағайындалған”, – деп жазды журналист.
Алматы қалалық полиция департаменті ер адамның екі іске де қатысы бар екенін растады.