Енді шымкенттіктер Мюнхенге тікелей ұшып бара алады

SMARTNEWS.KZ басылымының хабарлауынша, 27 мамырдан бастап қазақстандық «SCAT» компаниясының әуе кемесі Шымкент – Мюнхен бағытында ұша бастайды.

Рейстер аптасына үш рет – сейсенбі, бейсенбі және сенбі күндері жолаушыларды тасымалдайды. Бұл Қазақстан мен Германия арасындағы қолайлы байланыстарды қамтамасыз етіп, туристік және іскерлік сапарларды одан әрі дамытуға мүмкіндік бермек.

Қала әкімдігі Шымкент – Мюнхен бағытындағы әуе рейсінің билеттер сатылымы ашық екенін атап өтті.