RUS
15-ші күні өткен Дармаркет ("Дар" – сыйлау, "маркет" – базар) жәрмеңкесі – осының айқын дәлелі. Бұл шараның басты мақсаты – табиғатқа келетін зиянды азайту, қажетсіз заттарды қайта айналымға жіберу және экологиялық сауаттылықты арттыру.
Ұйымдастырушылардың айтуынша, бұл жолы 1 тоннаға жуық қоқыс жиналып, қайта өңдеуге тапсырылған.
"Дармарканың өтіп жатқанына 4 жыл болды. Бұл - біздің 13-ші жәрмеңкеміз. Біз күнделікті қолданатын заттар қоқысқа айналып, экологияға зиян тигізеді. Сондықтан оларды өңдейтін компанияларға өткізу маңызды. Сонымен қатар, экологиялық білімді арттыру мақсатында шеберлік сабақтары (мастер-класстар) ұйымдастырылады," - дейді ұйымдастырушы Зере Сейтімбек.
Шара аясында келушілер ескі киімдерден жаңа заттар тігуді үйреніп, тұрмыстық қалдықтарды дұрыс сұрыптаудың жолдарын меңгере алды.
Дармаркетте "Приют" деп аталатын арнайы бөлме де болды. Мұнда адамдар үйінде артық қалған көрпелерді, жануарларға арналған тамақ пен басқа да керек-жарақтарды әкеліп, баспанасыз жануарларға көмектесе алады.
"Қоқысқа тастағанша, пайдаға асырған дұрыс. Ал жануарларға арналған приюттар үшін мұндай көмек аса маңызды," – дейді ұйымдастырушылар.
Эко-дүкендер: тұтынуды саналы түрде өзгерту.
Жәрмеңке тек зат алмасу мен қалдықтарды сұрыптаумен шектелмейді. Мұнда экологиялық таза өнімдерді сататын арнайы дүкендер де болды.
"Біз бір реттік пластикті қолдануға қарсымыз. Егер біздің құндылықтарымызға сай келмейтін дүкендер бізге серіктестік ұсынса, олардан бас тартамыз," - дейді ұйымдастырушылар. Эко-косметика, табиғи өнімдер мен көп реттік заттар - жәрмеңкеде сатылған тауарлардың негізгі бөлігі.
Дармаркет қалалық әкімдікпен бірлесе отырып ұйымдастырылады. Мысалы, өткен жазда болған жәрмеңкеде Жетісу паркінде жер бөлу мәселесі бойынша көмек көрсетілді. Сонымен қатар, іс-шара соңында экологиялық викторина өтіп, жеңімпаздарға арнайы сыйлықтар табысталады, сұрыпталған қоқыс қайта өңдеу орталықтарына жеткізуге көмектеседі.
Шараны ұйымдастыратын негізгі команда – 10 адам, бірақ көптеген волонтерлер ерікті түрде көмек көрсетеді. Оларға экология туралы білім алу, пайдалы істерге атсалысу және жәрмеңкеде жеңілдіктер алу мүмкіндігі беріледі. Волонтерлер қатарына қосылу үшін жауапты маманға хабарласу жеткілікті.
Бұл жәрмеңкеде ұйымдастырушылар қызық, идеямен үндес сөздерді де жаза кеткен:
- Think globally, act locally (Жаһандық тұрғыда ойла, жергілікті түрде әрекет ет)
- Tomorrow nature doesn’t need us, but we need nature (Ертең табиғат бізге мұқтаж емес, ал біз табиғатқа мұқтажбыз)
Бұл ұрандар шараның басты идеясын айқын көрсетеді: экологияны жақсарту әркімнің қолында! Ал сіз келесі Дармаркеге қатысуға дайынсыз ба?
Автор: Азербай Амина