RUS
SMARTNEWS.KZ басылымының хабарлауынша, АҚШ президенті Дональд Трамп Құпия қызмет бұдан былай бұрынғы президент Джо Байденнің балалары – ұлы Хантер мен қызы Эшлиді қорғамайтынын мәлімдеді.
- Хантер Байден ұзақ уақыт бойы Құпия қызметтің қорғауында болды, оның барлығын АҚШ салық төлеушілері төледі. Бұл іске 18 адам жұмылдырылған, бұл күлкілі! Бүгіннен бастап Хантер Байден Құпия қызметінің қорғауында болмайтынын ескеріп жүріңіз. Сол сияқты 13 агенті бар Эшли Байден де тізімнен шығарылады, - деп жазды Дональд Трамп Truth Social-да.
АҚШ президенті Хантер Байденнің Оңтүстік Африкада жүруіне де көңілі толмайтынын білдірді.
- Ол қазір адам құқықтары күрделі мәселеге айналған Оңтүстік Африкада демалып жүр. Осыған байланысты Оңтүстік Африка экономикалық және қаржылық көмек алатын елдеріміздің тізімінен шығарылды, - деп атап өтті Дональд Трамп.