RUS
SMARTNEWS.KZ басылымының хабарлауынша, Бала құқықтары жөніндегі уәкіл Динара Зәкиева Мәжілістің жалпы отырысынан кейін БАҚ өкілдеріне кәмелетке толмағандарға жыныстық зорлық жасағандардың статистикасын атады. Бұл туралы Kazinform жазды.
- Кәмелет жасына толмағандарға жыныстық зорлық-зомбылық жасау қылмысы бойынша жыл сайын 900-ге жуық іс тіркеледі. Бұл 120, 121, 124-баптар. Ал әйелдердің құқықтары мен балалардың қауіпсіздігін қамтамасыз ету туралы заң қабылданғаннан бері аталған қорқынышты қылмысты жасаған 25-27 тұлға өмір бойына сотталды, - деді ол.
Сондай-ақ уәкіл қылмыстың бұл түрі қай өңірлерде жиі тіркеліп жатқанын мәлім етті.
- Жыныстық зорлық-зомбылықпен байланысты қылмыстар негізінен Алматы, Түркістан, Батыс Қазақстан, Қостанай, Жамбыл сияқты өңірлерде тіркеледі, - деді Динара Зәкиева.