Арғын Нығматулин қылмыстық іс қозғалғанға дейін елден кетіп қалғаны белгілі болды
Антикор істің мән-жайын айтты.
SMARTNEWS.KZ басылымының хабарлауынша, Нығматулиндер әулетінің үлкені Арғын Нығматулин Қазақстаннан қылмыстық іс қозғалғанға дейін-ақ кетіп қалған.
Бұл туралы Сыбайлас жемқорлыққа қарсы қызмет төрағасының орынбасары Дархан Құрақбаев мәлімдеді.
Біз оның Қазақстанда жоқ екенін білеміз. Тергеу басталғанға дейін-ақ ол елден кеткен, – деді Құрақбаев Сенаттағы брифингте.
Айта кетейік, 3 наурыз күні Арғын Нығматулиннің сыбайлас жемқорлыққа қарсы қызметтің сұранысы бойынша іздеуде екені хабарланды. Кейін бұл ақпаратты Бас прокуратура растады. Ол мемлекеттік қаражатты жымқыру бойынша күдікке ілінген.
6 наурызда Бас прокурордың орынбасары Әсет Чиндалиев Арғын Нығматулиннің халықаралық іздеуге жарияланғанын мәлімдеді.
19 наурызда оның ісі Бас прокуратураға 2024 жылдың желтоқсанында-ақ берілгені белгілі болды.
Материал авторы
