RUS
SMARTNEWS.KZ басылымының хабарлауынша, 31 наурыз күні Әзірбайжанда Ақтаудағы ұшақ апаты жайлы фильмнің тұсаукесері өтеді. Бұл туралы Stan.kz жазды.
Әзірбайжанның Baku TV телеарнасы "J2-8243: Соңғы рейс" деректі фильмінің көрсетілімін жариялады. Фильм 31 наурызда Баку уақытымен 22:00-де (Астана уақыты бойынша 21:00) көрсетіледі.
“Фильм 2024 жылы 25 желтоқсанда Ақтауда J2-8243 ұшағы Баку-Грозный рейсінің апаты кезінде зардап шеккендер, тірі қалғандар мен оларға көмектескендердің бастан өткені баяндалады”, – делінеген хабарламада.
Жарияланған трейлерге қарағанда деректі фильмнің кейіпкерлерінің қатарында ұшақ құлаған жерді дрон арқылы түсіріп, бұл үшін 10 тәулікке қамауға алынған ақтаулық блогер Азамат Сәрсенбаев бар.
Сондай-ақ Ресей соты Ақтауда AZAL ұшағының апатқа ұшырауына қатысты іс бойынша тергеушілердің құжаттарды алуға рұқсат бергені белгілі болды. Ол Ресей Федерациясының екі оңтүстік аймағында өндіріледі.
Еске салайық, 25 желтоқсанда Ақтау маңында Баку-Грозный бағыты бойынша ұшқан AZAL жолаушылар ұшағы апатқа ұшырады. Ұшақ бортында 67 адам болған, оның ішінде экипаж мүшесі бесеу. Апат салдарынан 38 жолаушы қайтыс болды, 29 адам аман қалды. 30 желтоқсанда Халықаралық әуе көлігі қауымдастығы (IATA) бұл оқиғаны мұқият және әділ тергеуге шақырды. Кейін Қазақстан президенті Қасым-Жомарт Тоқаев пен Әзірбайжан билігі құтқару операциясына қатысқан азаматтарды ерлік пен кәсібилігі үшін наградтады.