Мүгедектігі бар 80 қазақстандық сұранысқа ие кәсіпті оқып, жұмыс тапты
Ерекше қажеттіліктері бар 120 азамат «OrleTECH 3.0» қайырымдылық жобасы аясында цифрлы кәсіптерді оқытуды сәтті аяқтады. 80-ге жуығы жұмысқа орналасып, қалған 40 азаматты еңбекпен қамту бойынша жұмыстар жалғасуда.
SMARTNEWS.KZ басылымының хабарлауынша, бүгінгі таңда бағдарлама түлектері экономиканың түрлі салаларында сұранысқа ие мамандықтарды игеріп, дұмысқа орналасты.
Сонымен, Степан Патрашков еліміздегі танымал жаңалықтар порталдарының бірінде SMM маманы болып жұмыс істейді. Татьяна Гейзер дизайнер-беттеуші ретінде мансабын дамытуда. Берік Байжанов, Ольга Лаас, Диана Үсентаева және Эдуард Сучков такси қызметін көрсететін ірі халықаралық компанияның қолдауымен жүзеге асырылып жатқан «Қаржы қауіпсіздігі» жобасында еңбек етуде.
Жоба түлектері оқыту олар үшін сұранысқа ие цифрлы мамандықтарды игеру мүмкіндігі ғана емес, сонымен қатар қоғамда өзін-өзі дамыту қадамы болғанын атап өтті. Бағдарлама өз күштеріне сенуге көмектесіп, ал тәжірибеодан әрі жұмысқа орналасу мүмкіндіктерін ашты.
Түлектердің бір бөлігі педагогика мен психологияда өздерін сынап көруде. Бизнес-үрдістердің дамуына және стратегиялық жоспарлауға үлес қосып жүрген менеджмент мамандары да бар.
Сондай-ақ, түлектердің арасында инженерлер, метеоролог-техниктер және тұрғын үй коммуналдық шарушалығы саласының қызметкерлері бар. Бірқатар дизайнерлер қоғамдық қорлар мен той индустриясында қызмет етуде. Кейбір түлектер бухгалтерлік есеп, медицина және әкімшілік салада өздерін дамытуда.
Естеріңізге сала кетейік, «OrleTECH 3.0» жобасы no-code әзірлеу, UX/UI дизайн және жасанды интеллект (AI) саласындағы цифрлы мамандықтарды оқытуға бағытталған. Жобаға қатысу үшін Қазақстанның түкпір-түкпірінен барлығы 1500-ден астам өтінім келіп түсіп, оның ішінде 180 адам іріктелді. Аталмыш жоба «Samruk-Kazyna Trust» қоры мен «Шелл Қазақстан» компаниясының қаржылық қолдауымен «IteachMe» қорымен бірлесіп іске асырылуда.