RUS
SMARTNEWS.KZ басылымының хабарлауынша, Алматы облысында ауыл баласы “Наурыз” ҰБТ-да ең жоғары 140 балл жинап, үздік нәтиже көрсетті. Санжар Ғалымжанұлы Қуандық Еңбекшіқазақ ауданындағы “Толқын" орта мектебінің 2024-2025 оқу жылының түлегі.
Мектеп оқушысын аймақ басшысы құттықтап, алдағы оқуына сәттілік тіледі.
Бұл – үлкен еңбектің, талмай ізденістің және сапалы білімнің жемісі. Санжардың жетістігі – ұстаздары мен ата-анасының қолдауының, жүйелі дайындықтың айқын көрінісі. Осы орайда, білімге деген ұмтылысы мен табандылығы үшін Қуандық Санжар Ғалымжанұлын шын жүректен құттықтаймыз! Алдағы оқуында да сәттілік серік болып, болашақта ел дамуына өз үлесін қосатынына сеніміміз мол, – деді облыс әкімі Марат Сұлтанғазиев.